Volda vidaregåande skule innførte Kunnskapsløftet f.o.m. 01.08.2006. Dette inneber at årets elevar på Vg1, Vg2 og Vg3 har nye læreplanar i alle fag og til dels nye fag eller endra timetal.

• Du som vel medium og kommunikasjon, bør ha kreative evner og kunne kommunisere med andre både skriftleg og munnleg. I tillegg bør du ha godt fargesyn og vere interessert i IKT og digital teknologi. Gode samarbeidsevner, fleksibilitet og evne til kritisk tenking og analyse er òg viktig.
• Avhengig av kva programområde du vel, gir utdanningsprogrammet yrkeskompetanse eller generell studiekompetanse med høve til vidare studium ved høgskular og universitet. Du vil kunne få arbeid innanfor eit mangfald av yrke i ein bransje der metodar, teknikkar, verkemiddel og verktøy varierer og er i rask utvikling. Volda vgs. gjev tilbod om generell studiekompetanse over 3 år, med 35 timar per veke alle 3 åra.

Volda vgs. var ein av dei 14 skulane som starta opp med denne nye studieretninga i 2000, og den einaste i Møre og Romsdal. Vi har dermed relativt lang erfaring med denne medieutdanninga. Arbeidet i mediefaga er hovudsakleg prosjektbasert, med mykje sjølvstendig arbeid for elevane, individuelt eller i grupper.

Noko som er heilt nytt på MK i Kunnskapsløftet, er faget prosjekt til fordjuping. Dette faget skal m.a. gje elevane moglegheit til å prøve ut enkelte eller fleire sider av aktuelle lærefag innan medieutdanning og få erfaring med innhald, oppgåver og arbeidsmåtar i dei ulike medieyrka. Læreplanen skal lagast lokalt på kvar skule, og når faget har heile 6 timar i veka første året og 9 timar andre, seier det seg sjølv at dette er krevjande. MK-lærarane våre har løyst dette på ein framifrå måte ved at 1.- og 2.-klassingane arbeider saman med å fordjupe seg i eitt av fagområda foto, animasjon, multimedia, vev-design, radio, lydstudio og avis.

Skuleradioen heiter "Radiohaud" og har sendingar på frekvensane til Bygderadio Vest (105,5/103,7/104,9). Avisa heiter "Pause" og kjem ut ca. ein gong i månaden lokalt på papir og elektronisk på heimesida.

På MK si eiga heimeside "Arena MK Volda vgs" kan du sjå diverse elevprodukt og få eit innblikk i det elevane arbeider med.

Klikk på peikaren under for å lese ein informasjonsbrosjyre om MK i Kunnskapsløftet.

Volda vidaregåande skule har følgjande tilbod under dette utdanningsprogrammet: