Det er prevensjonssjefane i russestyret (Espen André Breivik og Ida-Therese Egset) som står i spissen for opplegget, som vil gå føre seg i vestibylen i matfri og midttimen (frå kl.11.15 og utover). På standen kan russ og andre elevar ta "kondomlappen" ved å gjennomføre ei teoriprøve, oppkøyring og mørkekøyring, ein praktisk måte å lære om rett kondombruk!

Norsk ungdom er nemleg verdsmeistrar i uverna sex, noko som fører til høge smittetal av spesielt klamydia. Sidan norsk seksualundervisning ikkje er noko å skryte av, etter russen si meining, tek dei saka i eigne hender (bokstavleg tala!)

Sjekk ut kampanjesida: www.likerikke.no og www.rodekorsungdom.no

Under ein liten biletreportasje frå opplegget i midttimen torsdag 5. mai. Foto: Inge Kvamme

Mange møtte fram for å lære.

Elevar i aksjon med kondom.

Helsesøster Lisbet Hoggen Totland var også med på "One night stand".

Mørkekøyring, utført med suksess.