Elev ved Volda vgs. tok sølvmedalje i matematikk-OL
Våren 2011 kom Håvard Bakke Bjerkevik på 3. plass i den nasjonale Niels Henrik Abel-konkurransen, på 7. plass i ein nordisk matematikkonkurranse og han fekk sølvmedalje i den internasjonale matematikkolympiaden i Amsterdam, med 23 poeng.
For å få gullmedalje måtte ein ha minst 28 poeng. Dette var det 54 personar som hadde. For å få sølvmedalje måtte ein ha minst 22 poeng, som 90 deltakarar hadde. Bronse var minimum 16 poeng og det var det heile 137 som hadde. I olympiaden var det 564 deltakarar frå over 100 land. Håvard gjorde det best av alle frå Noreg og frå resten av Skandinavia var det berre ein person som fekk eitt poeng meir enn han. Ingen andre frå Noreg fekk medalje, men nokre fekk heiderleg omtale. Håvard Bakke Bjerkevik var russ ved Volda vgs. våren 2011 og studerer no matematikk ved NTNU i Trondheim. Heile skulen gratulerer han så mykje med prestasjonane og er stolte over å ha hatt ein så ressurssterk, lærevillig og arbeidsam elev. Han er hjarteleg velkomen attende til Volda vidaregåande skule som lektor i realfag!
Under eit større bilete av Håvard med sølvmedaljen.
|
|
