Dagen starta med eit foredrag av marinbiologen Roger Kvalsund på Runde miljøsenter. Her fekk vi høyre litt om havstraumar, og kvifor Runde har eit unikt dyreliv. Deretter la vi ut på tur over øya. I strålande solskinn og laber bris var det ikkje noko problem å sjå nokre av fugleartane som er så spesielle for øya, bl.a storjo og havsule. Også plantelivet vart kartlagt, og både dyr og planter vart bestemte og deretter, ved hjelp av kart, vart koordinatane til funnstaden lagt inn.

I dei lune grasbakkane ved Lundeura med ei fantastisk utsikt utover havet, var det pause og foredrag. Dagen vart avslutta med tur i fjøra der det vart servert kokt strandsnigel til forrett og grilla laks til middag krydra med ulike tangsortar.

Vi håper at turen har gitt ei større forståing av kvifor øya Runde har viktige fuglefredingsområde og delvis er verna som eit naturreservat. Det vart ein sosial tur for både elevar og lærarar. Det var god stemning og positive elevar som reiste heim. Vi takkar for oss og kjem gjerne igjen neste år.

Tekst: May Charlotte Myklebust

Klikk på peikaren under for å sjå ein presentasjon frå turen. Foto: Olav Myklebust