I 1994 vart Volda vgs. skulen slegen saman med Volda vgs. HK. Denne var "etterkomar" til Volda Handelsskule, skipa i 1933. Volda vgs. HK gav ut ei bok til 50-årsjubileet i 1983.

Desse har vore med i skriftsstyret: Marit Brekke, Eilert Bø, Eivind Hasle, Inge Kvamme, Arne Nydal, Tjalve Sørheim og Olbjørn Øyehaug. Layout/sideombrekking: Håvard Krøvel-Velle.

Boka er på 210 sider og har med både historiske attersyn og stoff frå åra som er gått sidan dei nemnde jubileumsbøkene:

• Historisk oversikt: Frå opplæring for nokre få til vidaregåande skule for alle.
• Portrett av rektor Olav Riste
• Utdanning i handel og økonomi, med portrett av rektorane Lars Løvoll og Åsmund Indresøvde
• Utvalde prologar av Olbjørn Øyehaug
• Skulen i 2. verdskrigen
• 6 elevminne
• 6 minne frå tidlegare tilsette
• Om elevrådet
• Elevspor, med m.a. to premierte eksamensstilar
• Reformer, samanslåing og nye studieretningar
• Internasjonalisering
• Arbeidet med ny visjon for skulen
• Liste over tilsette
• Fotokollasj
• Vedlagt CD med lydstoff, bilete, videoar og nokre tekstar. Alle bileta i sjølve boka er i svart/kvitt, men på CD-en er mange fargebilete.

Boka vert å få kjøpt i resepsjonen på skulen, Notabene Volda, Kontorpluss Bok og Miljø Ørsta, Ørsta Libris og Ivar Aasen-tunet. Kan fåast innpakka som julegåve på alle salsstadane. Pris: kr. 200,-
Boka kan også tingast per telefon, epost eller brev. Då sender vi den til oppgitt adresse, og så vil det i etterkant bli utsendt faktura påført pris og tillegg for frakt og emballasje, til saman kr. 280,-.