Margaret Alme
Rektor

Rektor er overordna alle aktivitetar ved skulen. Først og fremst skal rektor vere pedagogisk leiar og pådrivar for endringar i pedagogiske metodar og pedagogisk nytenking, og sjå til at skulen blir driven i samsvar med opplæringslova og andre aktuelle lover og forskrifter. Elles er økonomisk styring rektor sitt ansvar.

Skulen har ein avdelingsstruktur, og ved sida av andre oppgåver er også personalansvar delegert til assisterande rektor og tre avdelingsleiarar. Desse er saman med rektor skulen sitt leiarteam.

I tillegg til personalansvar for leiarteamet har rektor personalansvar for rådgjevarane og IKT-ansvarleg.

Ingeborg Øye Dahl
Assisterande rektor

Ingeborg Øye Dahl er assisterande rektor og leiar for driftspersonalet. Ho har medansvar for tilsettingar og fagfordeling. I tillegg har ho ansvar for inntak, organisering av foreldremøta, timeplanlegging og eksamensavvikling.

Ho er også OT-rettleiar (rettleiar for oppfølgingstenesta i Volda).

Jørund Fet
Avdelingsleiar

Jørund Fet er avdelingsleiar for lærarane som underviser i norsk, samfunnsfag-/økonomifag og service og samferdsel. Han har - saman med rektor og dei andre avdelingsleiarane - ansvar for det pedagogiske utviklingsarbeidet ved skulen. Han har også ansvaret for vaksenopplæringstilbodet ved Volda vgs.

Jørund Fet er den i leiinga som har ansvar for kontakt med elevrådet, russen, OD-komitéen og dei andre elevlaga.

Inge Kvamme
Avdelingsleiar

Han er avdelingsleiar for lærarane i framandspråk, Medium og kommunikasjon og Musikk, dans og drama, og har - saman med rektor og dei andre avdelingsleiarane - ansvar for det pedagogiske utviklingsarbeidet ved skulen. Han har hovudansvaret for internasjonalisering ved skulen og skulen si heimeside. I tillegg er han PPU-koordinator, d.v.s. at han er bindeledd mellom avd. for lærarutdanning ved Høgskulen i Volda og dei lærarane ved Volda vgs. som er PPU-rettleiarar for lærarstudentar frå høgskulen.

Lisbet Ose
Avdelingsleiar

Ho er avdelingsleiar for lærarane i realfag, kroppsøving og tilsette innan spesialpedagogikk. Ho har, saman med rektor og dei andre seksjonsleiarane, ansvar for det pedagogiske utviklingsarbeidet ved skulen.

Ho er leiar for ressursteamet og hovudansvarleg for inntaket, fagvalet og fagtilbodet ved skulen.