Besøka starta i festsalen med at rektor, andre i leiinga og fagrettleiar Ståle Hansen ønskte velkomen og orienterte om skulen og studietilboda. Så vart elevane delte inn i grupper på ca. 10 og viste rundt i begge skulebygga, med våre eigne elevar som guidar. Etter ein pause med m.a. fruktservering vart så alle elevane samla på nytt i festsalen til orientering om og konsert med musikklinja. Elevar frå 3. klasse musikk både orienterte, annonserte og framførte på ein svært god måte.

Føremåla med den opne dagen er:

• at 9.-klassingane skal få eit oversyn over alle tilboda på skulen.
• at mange skal kome for å prøve ut delar av tilbodet vårt meir grundig i veke 11.
• at dei skal finne ut kva tilbod i vidaregåande skule som passar best for dei.
• at dei skal kome attende som elevar hos oss om 1 1/2 år.

Under nokre bilete frå festsalen. Foto: Inge Kvamme