Det er snakk om ei ombygging av øvre bygget ved skulen i fire trinn:

1. Underetasjen med ny naturfagavdeling
2. Nye arbeidsrom for lærarane i noverande naturfagavd.
3. Kontorfløya og vestibylen
4. Klasseromsavdelinga

Med i pakken høyrer ny heis og ny inngang mot nord. Dei to første trinna pluss heis og inngang mot nord vil koste om lag 60 mill. kroner.

Frå fylket møtte leiar i plannemnda Olav Bratland, leiar Per Einar Langseth ved Bygge- og vedlikehaldsavd., prosjektleiar Torgrim Blø og assisterande prosjektleiar Geir Eide. Rune Eikrem møtte frå entreprenøren Veidekke. Pressa var sjølvsagt invitert, og møtte med repr. frå Sunnmørsposten, Møre og Møre-Nytt.

Alle i skulesamfunnet må belage seg på ein del støy i komande skuleår, men som Olav Bratland sa: Det må ofte bli verre før det kan bli betre.

Under finn du bilete frå byggestarten. Foto: Ronny Aam, Ståle Hansen og Inge Kvamme.